Home Crime ಪೂಜಾರಿಯ ಕಣ್ಣು ಕುಕ್ಕಿದ್ಲು ಎದುರುಮನೆ ಕೌಸಲ್ಯ.. ಪೂಜಾರಿಯ ಕಾಮಕ್ಕೆ ಬಲಿಯಾಯ್ತು ತುಂಬು ಸಂಸಾರ.. ಪೇಸ್ ಬುಕ್ನಲ್ಲಿ ಖಾಸಗಿ ಪೋಟೋ...

ಪೂಜಾರಿಯ ಕಣ್ಣು ಕುಕ್ಕಿದ್ಲು ಎದುರುಮನೆ ಕೌಸಲ್ಯ.. ಪೂಜಾರಿಯ ಕಾಮಕ್ಕೆ ಬಲಿಯಾಯ್ತು ತುಂಬು ಸಂಸಾರ.. ಪೇಸ್ ಬುಕ್ನಲ್ಲಿ ಖಾಸಗಿ ಪೋಟೋ ಅಪ್ಲೋಡ್ ಮಾಡಿದ್ದ ಕಳ್ಳ ಪೂಜಾರಿ.ಅವನು ಕಳ್ಳ ಪೂಜಾರಿಯಲ್ಲ ಕಾಮುಕ ಪೂಜಾರಿ..

4059
0
SHARE

ಮೊನ್ನೆ ಚನ್ನಪಟ್ಟಣದ ಅಕ್ಕೂರು ಪೊಲೀಸ್ ಠಾಣೆಗೆ ಒಂದು ಕಾಲ್ ಬಂದಿತ್ತು. ಆ ಕಡೆಯಿಂದ ಕಾಲ್ ಮಾಡಿದ ವ್ಯಕ್ತಿ ನಮ್ಮೂರಲ್ಲಿ ದೊಡ್ಡ ಗಲಾಟೆಯಾಗ್ತಿದೆ ಸರ್ ಮನೆಗೆ ಬೆಂಕಿ ಹಚ್ಚಿದ್ದಾರೆ ಅಂತ ಏದುಸಿರು ಬಿಡುತ್ತಾ ಫೋನ್ ಮಾಡಿದ್ದ. ಅಯ್ಯೋ ಇದೇನಪ್ಪಾ ಮನೆಗೆ ಬೆಂಕಿ ಹಚ್ಚಿದ್ದಾರ ಅಂತ ಅಂದುಕೊಂಡು ಪೊಲೀಸ್ರು ಅಲ್ಲಿಂದ ಅವನು ಹೇಳಿದ ಹಳ್ಳಿಯ ಕಡೆ ಜೀಪ್ ಡ್ರೈವ್ ಮಾಡೋದಕ್ಕೆ ಶುರುಮಾಡಿದ್ರು. ಫೋನ್ ಮಾಡಿದ ವ್ಯಕ್ತಿ ಹೇಳಿದ ಊರು ಸಾದರಹಳ್ಳಿ ಅಂತ. ಇದು ಚನ್ನಪಟ್ಟಣದ ಪಕ್ಕದಲ್ಲೇ ಇರೋ ಸಣ್ಣ ಊರು.

ಪೊಲೀಸ್ರು ಅಲ್ಲಿಗೆ ಹೋಗ್ತಿದ್ದ ಹಾಗೆ ಇಡೀ ಊರಿಗೆ ಊರೇ ಅಲ್ಲಿ ನೆರೆದಿತ್ತು. ಜೊತೆಗೆ ಒಂದು ಮನೆಯಲ್ಲಿ ದೊಡ್ಡದಾಗಿ ಬೆಂಕಿ ಉರಿಯುತ್ತಿತ್ತು. ಪೊಲೀಸ್ರು ಮೊದಲಿಗೆ ಯಾರನ್ನ ಕೂಡಾ ವಿಚಾರಿಸೋದಕ್ಕೆ ಹೋಗಲಿಲ್ಲ. ತಕ್ಷಣವೇ ಅಗ್ನಿ ಶಾಮಕ ದಳಕ್ಕೆ ಮಾಹಿತಿ ನೀಡಿ ಆ ಊರಿಗೆ ಕರೆಸಿಕೊಂಡಿದ್ರು.ಅಸಲಿಗೆ ಆ ಮನೆಗೆ ಮತ್ತು ವಾಹನಗಳಿಗೆ ಬೆಂಕಿ ಹಚ್ಚಿದ್ದು ಇದೇ ಊರಿನ ಜನರಾಗಿದ್ರು. ಅದು ಸದಾರಹಳ್ಳಿಯ ತ್ಯಾಗರಾಜ್ ಅನ್ನೋ ಅರ್ಚಕನ ಮನೆ. ತ್ಯಾಗರಾಜ್ ಇಲ್ಲೇ ಮನೆ ಪಕ್ಕದಲ್ಲೇ ಇರೋ ಮುತ್ತಲಾಡಿ ಮಾರಮ್ಮ ದೇವಿಯನ್ನ ಆರಾಧಿಸ್ತಿದ್ದ. ಅಲ್ಲದೆ ಆ ದೇವಿಯ ಪೂಜೆಯನ್ನ ಮಾಡ್ತಿದ್ದ.ಜನರ ಗಲಾಟೆ ಇನ್ನೊಂದು ಕಡೆ ಜೋರಾಗ್ತಾನೆ ಇತ್ತು. ಪೊಲೀಸ್ರು ಆಗ್ತಿದ್ದ ಅನಾಹುತವನ್ನ ತಡೆಯೋ ನಿಟ್ಟಿನಲ್ಲಿ ಅಲ್ಯಾಕೆ ಗಲಾಟೆ ನಡೆಯುತ್ತಿದೆ ಅನ್ನೋದನ್ನ ಅವ್ರು ಕೇಳಿರಲೇ ಇಲ್ಲ.

ಅದ್ಯಾವಾಗ ಆ ಗ್ರಾಮದಲ್ಲಿ ಪೊಲೀಸ್ರಿಗೆ ಪರಿಸ್ಥಿತಿ ಕೈಮೀರಿ ಹೋಗ್ತಿದೆ ಅನ್ನೋದು ಗೊತ್ತಾಯ್ತೋ ಆಗ ಅಸಲಿ ವಿಷಯ ಏನು ಅನ್ನೋದನ್ನ ತಿಳಿದುಕೊಳ್ಳೋದಕ್ಕೆ ಶುರುಮಾಡಿದ್ರು. ಅಲ್ಲದೆ ಇದೇ ಜನ ಆ ಮನೆಯ ಮುಂದೆ ಒಂದು ವ್ಯಾನ್ ನಲ್ಲಿ ಎರಡು ಬಾಡಿಯನ್ನ ಇಟ್ಕೊಂಡು ಗಲಾಟೆ ಮಾಡ್ತಿದ್ರು. ನಾವು ಈ ಬಾಡಿಯನ್ನ ದಫನ್ ಮಾಡೋದಕ್ಕೂ ಮೊದಲು ಮನೆಯಲ್ಲಿರೋರು ಸುಟ್ಟು ಹೋಗಲಿ ಅಂತ ಬೆಂಕಿ ಹಚ್ಚಿದ್ರು. ಆಗ ಪೊಲೀಸ್ರು ಒಂದು ಸಣ್ಣ ಕ್ಲಾರಿಟಿ ಸಿಕ್ಕಿತ್ತು. ಇಲ್ಲಿ ಸತ್ತವರ ಸಾವಿಗೆ ಈ ಮನೆಯ ತ್ಯಾಗರಾಜ್ ಅನ್ನೋನೇ ಕಾರಣ ಅದಕ್ಕೆ ಇವರೆಲ್ಲಾ ರೊಚ್ಚಿಗೆದ್ದಿದ್ದಾರೆ ಅನ್ನೋದು ಗೊತ್ತಾಗಿತ್ತು.

ಸಾದರಹಳ್ಳಿಯಲ್ಲಿ ನೂರಾರು ಕುಟುಂಬಗಳು ವಾಸ ಮಾಡ್ತಿವೆ. ಇದೇ ಗ್ರಾಮದಲ್ಲಿ ಲೋಕೇಶ್ ಮತ್ತು ಕೌಸಲ್ಯ ಅನ್ನೋ ದಂಪತಿ ಕೂಡಾ ಸಂಸಾರ ನಡೆಸ್ತಿದ್ರು. ತಾವಾಯ್ತು ತಮ್ಮ ಕೆಲಸವಾಯ್ತು ಅನ್ನೋ ಕುಟುಂಬವದು. ಲೋಕೇಶ್ ತನ್ನದೇ ಆದ ಜಮೀನನ್ನ ಹೊಂದಿದ್ರು. ಅದ್ರಲ್ಲೇ ಕೃಷಿ ಮಾಡ್ಕೊಂಡು ಜೀವನ ನಡೆಸ್ತಿದ್ರು. ಇವರ ಪತ್ನಿ ಕೌಸಲ್ಯ ಕೂಡಾ ಮನೆಯನ್ನ ಚೆನ್ನಾಗಿ ನಿಭಾಯಿಸಿಕೊಂಡು ಹೋಗ್ತಿದ್ರು. ಹೀಗಾಗಿ ಸಂಸಾರದಲ್ಲಿ ನೆಮ್ಮದಿಯಿತ್ತು. ಅವರಿಗೆ ಸಾಯುವಂತಹ ಸಮಸ್ಯೆಗಳ್ಯಾವುದು ಇರಲಿಲ್ಲ. ಆದ್ರೆ ಇವರ ಖುಷಿಯ ಸಂಸಾರದಲ್ಲಿ ಒಬ್ಬನ ಎಂಟ್ರಿಯಾಗಿತ್ತು. ಅವನೇ ಈ ತ್ಯಾಗರಾಜ್.

ತ್ಯಾಗರಾಜ್ ಇದೇ ಲೋಕೇಶ್ ಮನೆಯ ಎದುರಿಗೆ ವಾಸವಾಗಿದ್ದಾನೆ. ಅಲ್ಲೇ ತನ್ನ ಮನೆಯ ಹತ್ತಿರ ಮುತ್ತಲಾಡಿ ಮಾರಮ್ಮ ದೇವಿಯ ದೇವಸ್ಥಾನ ಕಟ್ಟಿಕೊಂಡು ದೇವಿಗೆ ಪೂಜೆ ಮಾಡ್ಕೊಂಡು ವಾಸವಿದ್ದ. ದೇವರ ಬಗ್ಗೆ ಜನರಿಗೆ ಅಗಾಧ ಭಕ್ತಿ ಇರೋದ್ರಿಂದ ಇವನು ಕೂಡಾ ಕಾಸನ್ನ ಚೆನ್ನಾಗಿ ಮಾಡ್ಕೊಂಡಿದ್ದ. ಈ ದೇವಿಯ ಪೂಜಾರಿ ತ್ಯಾಗರಾಜ್ ಒಂದಿಷ್ಟು ಮಂತ್ರ ಶಕ್ತಿ ಮತ್ತು ವಶೀಕರಣವನ್ನ ಸಿದ್ದಿಸಿಕೊಂಡಿದ್ದಾನೆ. ಈ ಪೂಜಾರಿಯ ಕಣ್ಣಿಗೆ ಎದುರು ಮನೆಯಲ್ಲಿದ್ದ ಕೌಸಲ್ಯ ಬಿದ್ದಿದ್ಲು. ಕೌಸಲ್ಯ ನೋಡೋದಕ್ಕೆ ತೆಳ್ಳಗೆ, ಬೆಳ್ಳಗೆ ಇದ್ದು ತ್ಯಾಗರಾಜನ ಕಣ್ಣು ಕುಕ್ಕುತ್ತಿದ್ಲು. ಪಾಪ ಆ ಹೆಣ್ಣಿಗೆ ತಾನಾಯ್ತು ತನ್ನ ಸಂಸಾರ ಆಯ್ತು ಅನ್ನೋದು ಬಿಟ್ಟು ಬೇರೆ ಏನು ಗೊತ್ತೇ ಇರಲಿಲ್ಲ.

ಅದ್ಯಾವಾಗ ಇವನ ಕಣ್ಣು ಆಕೆಯ ಮೇಲೆ ಬಿತ್ತೋ ಎಲ್ಲಾ ಉಲ್ಟಾ ಆಗಿ ಹೋಗಿತ್ತು. ತನ್ನ ಗಂಡ ಮಕ್ಕಳು ಅಂತ ನೆಮ್ಮದಿಯಾಗಿದ್ದವಳನ್ನ ಅದ್ಯಾಗೋ ವಶೀಕರಣ ಮಾಡಿಕೊಂಡೋ ಅಥವಾ ಪಟಾಯಿಸಿಯೋ ಬಿಟ್ಟಿದ್ದ. ನಂತ್ರ ಒಂದು ದಿನ ಆಕೆನಯ್ನ ಮತ್ತು ಇನ್ನೊಬ್ಬ ಹುಡುಗಿಯನ್ನ ಕರ್ಕೊಂಡು ಇವನು ಊರು ಬಿಟ್ಟಿದ್ದ. ಒಂದಿಷ್ಟು ದಿನಗಳ ಕಾಲ ಆತ ಕೌಸಲ್ಯ ಮತ್ತು ಇನ್ನೊಬ್ಬಳನ್ನ ಬೆಂಗಳೂರಿನಲ್ಲಿ ಪಿಜಿ ಮಾಡಿ ಬಿಟ್ಟಿದ್ದ. ಪ್ರತಿ ದಿನ ಪಿಜಿಯಿಂದ ಆಕೆಯನ್ನ ಮೈಸೂರು , ಬೆಂಗಳೂರು ಅಂತ ಸುತ್ತಿಸೋದಕ್ಕೆ ಶುರುಮಾಡಿದ್ದ. ನಂತ್ರ ಸಂಜೆಯಾಗ್ತಿದ್ದ ಹಾಗೆ ಆಕೆಯನ್ನ ಪಿಜಿಯಲ್ಲಿ ಬಿಟ್ಟು ಇವನು ಊರನ್ನ ಸೇರ್ತಿದ್ದ.

ಒಂದಷ್ಟು ದಿನ ಹೀಗೆ ತಿರುಗಿದ ಮೇಲೆ ಅದ್ಯಾಕೋ ಅವನಿಗೆ ಆಕೆ ಸಾಕು ಅಂತ ಅನಿಸ್ತೋ ಏನು ಕರ್ಕೊಂಡು ಬಂದು ಮನೆಗೆ ಬಿಟ್ಟಿದ್ದ. ಇಷ್ಟು ದಿನ ಕಾಣೆಯಾಗಿದ್ದ ಹೆಂಡ್ತಿ ಬರ್ತಿದ್ದ ಹಾಗೆ ಲೋಕೇಶ್ ಆಕೆಗೆ ಎಲ್ಲಿಗೆ ಹೋಗಿದ್ದೆ ಅಂತ ಪ್ರಶ್ನೆ ಮಾಡಿದ್ದ. ಆಗ ಆಕೆ ನಾನು ತ್ಯಾಗರಾಜನ ಜೊತೆ ಹೋಗಿದ್ದೆ ಅಂತ ನಿಜವನ್ನೇ ಹೇಳಿದ್ದಾಳೆ. ಅಲ್ಲದೆ ಇನ್ನು ಮುಂದೆ ಅವನ ಜೊತೆ ಹೀಗೆಲ್ಲಾ ಹೋದ್ರೆ ಚೆನ್ನಾಗಿರೋದಿಲ್ಲ ಅಂತ ಬೈದಿದ್ದಾನೆ. ಅಲ್ಲದೆ ಆತನ ಜೊತೆ ಎಲ್ಲಿದ್ದೆ ಏನು ಮಾಡಿದೆ ಅಂತೆಲ್ಲಾ ಪ್ರಶ್ನೆ ಮಾಡಿದ್ದ. ಹಾಗಂತ ಕಟ್ಟಿಕೊಂಡ ಹೆಂಡ್ತಿಯನ್ನ ರಸ್ತೆಯಲ್ಲಿ ಬಿಡೋದಕ್ಕೆ ಆಗೋದಿಲ್ಲ ಅಲ್ವಾ ಅದಕ್ಕೆ ಆತ ಅವಳಿಗೆ ಬೈದು ಅದೇ ರೀತಿ ತ್ಯಾಗರಾಜ್ ಬಳಿಯು ಹೋಗಿದ್ದ.

ತ್ಯಾಗರಾಜ್ ಮನೆಗೆ ಹೋಗಿದ್ದ ಲೋಕೇಶ್ ಅವನೊಂದಿಗೆ ಗಲಾಟೆ ಮಾಡಿದ್ದಾನೆ. ನನ್ನ ಪತ್ನಿಯ ತಲೆ ಕೆಡಿಸಿ ಎಲ್ಲೆಲ್ಲಿಗೋ ಕರ್ಕೊಂಡು ಹೋಗಿದ್ದೀಯಾ. ಇವೆಲ್ಲಾ ಚೆನ್ನಾಗಿರೋದಿಲ್ಲ ನಿನ್ನ ಪಾಡಿಗೆ ನೀನಿದ್ರೆ ಆಯ್ತು ಇಲ್ಲದಿದ್ರೆ ಕಥೆ ಚೆನ್ನಾಗಿರೋದಿಲ್ಲ ಅಂತ ತನ್ನ ಕೋಪವನ್ನ ವ್ಯಕ್ತಪಡಿಸಿದ್ದಾನೆ. ಇಷ್ಟಕ್ಕೆ ತ್ಯಾಗರಾಜ್ ಒಪ್ಪಿ ಸುಮ್ಮನಾಗಿದ್ರೆ ಎಲ್ಲವೂ ಸರಿಯಿರ್ತಾ ಇತ್ತು. ಆದ್ರೆ ಮನೆಗೆ ಬಂದು ಬೈದು ಹೋಗಿದ್ದನ್ನ ಬೇರೆಯ ರೀತಿಯಲ್ಲೇ ತಿಳಿದುಕೊಂಡಿದ್ದ. ಅಲ್ಲದೆ ಇವನಿಗೆ ಸರಿಯಾಗಿ ಬುದ್ಧಿ ಕಲಿಸಬೇಕು ಅಂತ ಅಂದುಕೊಂಡಿದ್ದ. ಅಲ್ಲದೆ ಅವನು ಕೌಸಲ್ಯಳನ್ನ ಕರ್ಕೊಂಡು ಹೋಗಿದ್ದಾಗ ಒಂದಷ್ಟು ಖಾಸಗಿಯಾಗಿ ಫೋಟೋಗಳನ್ನ ತೆಗೆಸಿಕೊಂಡಿದ್ದ. ಅದನ್ನೆಲ್ಲಾ ತೆಗೆದು ಆತ ಫೇಸ್ ಬುಕ್ ನಲ್ಲಿ ಅಪ್ ಲೌಡ್ ಮಾಡಿಬಿಟ್ಟಿದ್ದ.

ಅಷ್ಟೇ ಅಲ್ಲ ನಾಲ್ಕು ಜನಕ್ಕೆ ಕಾಣುವ ಹಾಗೆ ಓಪನ್ ಆಗಿ ಆತ ಕೌಸಲ್ಯಗೆ ಮುತ್ತು ಕೊಟ್ಟು ಫೋಟೋ ತೆಗೆಸಿಕೊಂಡಿದ್ದಾನೆ ಅಂದ ಮೇಲೆ ನಾಲ್ಕು ಗೋಡೆಗಳ ಮಧ್ಯೆ ಏನೇನು ನಡೆದಿರುತ್ತೆ ಅನ್ನೋ ಅನುಮಾನ ಲೋಕೇಶ್ ಗೂ ಬಂದಿತ್ತು. ಅಲ್ಲದೆ ಅದನ್ನ ನೋಡಿದ ಊರಿನ ಜನಕ್ಕೆ ಏನು ಹೇಳಬೇಕು ಅನ್ನೋದೆ ಗೊತ್ತಾಗಲಿಲ್ಲ. ಕೌಸಲ್ಯಳ ಬಗ್ಗೆ ಊರಲ್ಲಿ ಮರ್ಯಾದೆಯೇ ಇಲ್ಲದ ಹಾಗೆ ಆಗಿ ಹೋಗಿತ್ತು. ಫೇಸ್ ಬುಕ್ ನಲ್ಲಿದ್ದ ಫೋಟೋ ಕೆಲವೇ ಗಂಟೆಗಳಲ್ಲಿ ಅದು ಇಡೀ ಊರಿನಲ್ಲಿ ಗುಸು ಗುಸು ಪ್ರಾರಂಭವಾಗುವ ಹಾಗೆ ಮಾಡಿತ್ತು.

ಲೋಕೇಶ್ ಮತ್ತು ಕೌಸಲ್ಯ ಆತನ ಫೋಟೋ ರಾದ್ದಾಂತದಿಂದಾಗಿ ಕುಸಿದು ಹೋಗಿದ್ರು. ಅವರಿಬ್ಬರ ಮರ್ಯಾದೆ ಬೀದಿ ಪಾಲಾಗಿ ಹೋಗಿತ್ತು. ಅದ್ರಲ್ಲೂ ಕೌಸಲ್ಯ ತ್ಯಾಗರಾಜನ ಕೈ ಹಿಡ್ಕೊಂಡು ನಿಂತಿರೋ ಫೋಟೋ ಮತ್ತು ಮುತ್ತು ಕೊಡ್ತಿರೋ ಫೋಟೋಗಳು ಆ ಕುಟುಂಬದ ಮರ್ಯಾದೆಯನ್ನ ಬೀದಿಗೆ ತಂದಿತ್ತು. ಅವ್ರು ಆಗಿರೋದೇನು ಅನ್ನೋ ಸತ್ಯವನ್ನ ಯಾರಿಗೆ ಹೇಳಿದ್ರು ನಂಬುವ ಸ್ಥಿತಿಯಲ್ಲಿ ಯಾರು ಇರಲಿಲ್ಲ. ಹೀಗಾಗಿ ಅವರಿಗೆ ಏನು ಮಾಡಬೇಕು ಅನ್ನೋದು ತೋಚಲೇ ಇಲ್ಲ. ಹೀಗಾಗಿ ಇಬ್ಬರು ಆತ್ಮಹತ್ಯೆ ಮಾಡಿಕೊಳ್ಳುವ ನಿರ್ಧಾರಕ್ಕೆ ಬಂದಿದ್ರು. ಇನ್ನು ನಾವು ಏನು ಹೇಳಿದ್ರೆ ಯಾರು ಅದನ್ನ ನಂಬೋದಿಲ್ಲ. ಹೀಗಾಗಿ ನಡೆದಿರೋದನ್ನ ಪತ್ರದಲ್ಲಿ ಬರೆದಿಟ್ಟು ಸಾಯೋಣ ಅಂತ ಅಂದುಕೊಂಡಿದ್ರು. ಹಾಗೆ ಡೆತ್ ನೋಟ್ ಬರೆದಿಟ್ಟು ಅವ್ರು ಮನೆಯಲ್ಲಿ ನೇಣಿಗೆ ಶರಣಾಗಿದ್ರು.

LEAVE A REPLY

Please enter your comment!
Please enter your name here