ನಿವೃತ್ತಿಯ ಪಂದ್ಯದಲ್ಲಿ ಶತಕ ಸಿಡಿಸಿ ಮಿಂಚಿದ ನ್ಯೂಜಿಲೆಂಡ್​ ಕ್ರಿಕೆಟರ್​

ಕ್ರೀಡೆ

ಆಕ್ಲೆಂಡ್​: ಪ್ರತಿಯೊಬ್ಬ ಆಟಗಾರನೂ ತನ್ನ ಕ್ರಿಕೆಟ್ ವೃತ್ತಿಜೀವನಕ್ಕೆ ಸುವರ್ಣ ಅಂತ್ಯವನ್ನು ಬಯಸುತ್ತಾನೆ. ಒಬ್ಬ ಬ್ಯಾಟ್ಸ್‌ಮನ್‌ಗೆ ಕೊನೆಯ ಇನ್ನಿಂಗ್ಸ್‌ನಲ್ಲಿ ಶತಕ ಬಾರಿಸಿದರೆ ಅದಕ್ಕಿಂತ ವಿಶೇಷದ ಪಂದ್ಯ ಮತ್ತೊಂದಿರಲ್ಲ. ಇದೀಗ ನ್ಯೂಜಿಲೆಂಡ್‌ನ 38 ವರ್ಷದ ಬ್ಯಾಟ್ಸ್‌ಮನ್ ಅನಾರು ಕಿಚನ್‌  ಸ್ಮರಣೀಯ ಇನಿಂಗ್ಸ್​ ಮೂಲಕ ಕ್ರಿಕೆಟ್​ ಅಂಗಳಕ್ಕೆ ವಿದಾಯ ಹೇಳಿದ್ದಾರೆ. ಅನಾರು ಅವರು ಅದ್ಭುತ ಶತಕದೊಂದಿಗೆ ತಮ್ಮ 14 ವರ್ಷಗಳ ದೇಶೀಯ ಕ್ರಿಕೆಟ್ ವೃತ್ತಿಜೀವನಕ್ಕೆ ಗುಡ್​ ಬೈ ಹೇಳಿದರು. ನ್ಯೂಜಿಲೆಂಡ್‌ನ ದೇಶೀಯ ಟೂರ್ನಿಯಾದ ಫೋರ್ಡ್ ಟ್ರೋಫಿಯಲ್ಲಿ ಒಟಾಗೊ ವೋಲ್ಟ್ಸ್ ಪರ ಆಡಿದ್ದ ಅನಾರು ಕೇವಲ 89 ಎಸೆತಗಳಲ್ಲಿ ಶತಕ ಪೂರೈಸಿದರು. ಆಕ್ಲೆಂಡ್ ಏಸಸ್ ವಿರುದ್ಧದ ತಮ್ಮ ಕೊನೆಯ ಇನ್ನಿಂಗ್ಸ್ ಆಡಿದ್ದ ಕೊನೆಯ ಇನ್ನಿಂಗ್ಸ್‌ನಲ್ಲಿ 95 ಎಸೆತಗಳಲ್ಲಿ ಅಜೇಯ 106 ರನ್ ಗಳಿಸಿದರು. ಈ ವೇಳೆ ಅವರು 7 ಸಿಕ್ಸರ್ ಮತ್ತು 2 ಬೌಂಡರಿಗಳನ್ನು ಬಾರಿಸಿದರು. ಇದು ಲಿಸ್ಟ್ ಎ ಕ್ರಿಕೆಟ್‌ನಲ್ಲಿ ಅವರ 5ನೇ ಶತಕವಾಗಿದೆ. ಇದಾಗ್ಯೂ ಈ ಪಂದ್ಯದಲ್ಲಿ ಒಟಾಗೊ ವೋಲ್ಟ್ಸ್​ ತಂಡವು ಸೋಲನುಭವಿಸಿತು. ಅನಾರು ಕಿಚನ್ ಅವರು 2017 ರಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧ T20 ಯಲ್ಲಿ ನ್ಯೂಜಿಲೆಂಡ್‌ ಪರ ಚೊಚ್ಚಲ ಅಂತರರಾಷ್ಟ್ರೀಯ ಪಂದ್ಯವನ್ನು ಆಡಿದ್ದರು. ಕಿವೀಸ್ ಪರ ಒಟ್ಟು 5 ಟಿ20 ಪಂದ್ಯಗಳನ್ನು ಆಡಿರುವ ಕಿಚನ್, 38 ರನ್ ಗಳಿಸಿ 2 ವಿಕೆಟ್ ಪಡೆಯುವಲ್ಲಿ ಮಾತ್ರ ಯಶಸ್ವಿಯಾಗಿದ್ದರು.

Leave a Reply

Your email address will not be published.