ಖ್ಯಾತ ನಟಿ ಶ್ರುತಿ ಹಾಸನ್ ಗೆ ಕೊರೊನಾ ಸೋಂಕು ದೃಢ

ಚಲನಚಿತ್ರ

ಖ್ಯಾತ ನಟಿ, ಶ್ರುತಿ ಹಾಸನ್​ ಗೂ ಕೊರೊನಾ ಸೋಂಕು ಅಂಟಿದೆ. ಈ ಬಗ್ಗೆ ಸೋಶಿಯಲ್​ ಮೀಡಿಯಾದಲ್ಲಿ ಅವರು ಬರೆದುಕೊಂಡಿದ್ದಾರೆ. ನೆಚ್ಚಿನ ನಟಿಗೆ ಕೊವಿಡ್​ ಅಂಟಿರುವುದರಿಂದ ಸಹಜವಾಗಿಯೇ ಅವರ ಅಭಿಮಾನಿಗಳು ಕೊಂಚ ಆತಂಕಗೊಂಡಿದ್ದಾರೆ. ಆದರೆ, ನಟಿಗೆ ಯಾವುದೇ ತೊಂದರೆ ಆಗಿಲ್ಲ. ‘ಎಲ್ಲರಿಗೂ ನಮಸ್ಕಾರ. ಎಲ್ಲಾ ಸುರಕ್ಷತಾ ಕ್ರಮಗಳನ್ನು ತೆಗೆದುಕೊಂಡ ಹೊರತಾಗಿಯೂ ಕೋವಿಡ್‌ ಪಾಸಿಟಿವ್​ ಆಗಿದೆ. ನಾನು ಗುಣಮುಖನಾಗುತ್ತಿದ್ದೇನೆ. ಶೀಘ್ರವೇ ಹಿಂದಿರುಗುತ್ತೇನೆ.

 

ಧನ್ಯವಾದಗಳು ಮತ್ತು ಶೀಘ್ರದಲ್ಲೇ ನಿಮ್ಮನ್ನು ಭೇಟಿ ಮಾಡುತ್ತೇನೆ’ ಎಂದು ಶ್ರುತಿ ಹಾಸನ್​ ಬರೆದುಕೊಂಡಿದ್ದಾರೆ. ಈ ಪೋಸ್ಟ್​ಗೆ ನೂರಾರು ಕಮೆಂಟ್​ಗಳು ಬಂದಿವೆ. ಚಿತ್ರರಂಗದ ಅನೇಕ ಸೆಲೆಬ್ರಿಟಿಗಳು ಅವರು ಬೇಗ ಗುಣಮುಖರಾಗಲಿ ಎಂದು ಹಾರೈಸುತ್ತಿದ್ದಾರೆ. ‘ಶ್ರುತಿ ಅವರೇ ಬೇಗ ಗುಣಮುಖರಾಗಿ ಹಿಂದಿರುಗಿ’ ಎಂದು ಸಿದ್ದಾರ್ಥ್​ ಮಲ್ಹೋತ್ರಾ ಬರೆದುಕೊಂಡಿದ್ದಾರೆ.  ‘ಬೇಗ ಗುಣಮುಖರಾಗಿ. ನಿನಗೆ ನನ್ನ ಅಪ್ಪುಗೆ’ ಎಂದು ಗಾಯಕಿ ಸೋಫಿ ಚೌದರಿ ಪ್ರಾರ್ಥಿಸಿದ್ದಾರೆ.

Leave a Reply

Your email address will not be published.