ಚಿತ್ರರಂಗಕ್ಕೆ ಎಂಟ್ರಿಕೊಟ್ಟ ಶಾರೂಖ್​ ಖಾನ್​ ಪುತ್ರ; ಅವರು ಏನ್ಮಾಡ್ತಿದ್ದಾರೆ ಗೊತ್ತಾ?

ಚಲನಚಿತ್ರ

ಮುಂಬೈ: ಬಾಲಿವುಡ್​ ಕಿಂಗ್​ ಖಾನ್​ ಇತ್ತೀಚೆಗೆ ಸಿನಿಮಾಗಳನ್ನ ಡಿಲೇ ಮಾಡುತ್ತಿದ್ದಾರೆ. 2 ವರ್ಷಕ್ಕೊಂದು ಸಿನಿಮಾ ಸಹ ಅವರಿಂದ ಬರುತ್ತಿಲ್ಲ, ಆದರೆ ಇತ್ತೀಚಗೆ ಡ್ರಗ್ಸ್​ ಕೇಸ್​ನಲ್ಲಿ ಜೈಲು ಪಾಲಾಗಿದ್ದ ಶಾರೂಖ್​ ಪುತ್ರ ಚಿತ್ರರಂಗಕ್ಕೆ ಎಂಟ್ರಿ ಕೊಡಲು ಸಿದ್ದವಾಗಿದ್ದಾರಂತೆ. ವರದಿಗಳ ಪ್ರಕಾರ ಆರ್ಯನ್ ಖಾನ್ ತಮ್ಮ ಕನಸನ್ನು ಸಾಕಾರಗೊಳಿಸಿಕೊಳ್ಳಲು ಒಂದೊಂದೇ ಹೆಜ್ಜೆ ಇಡುತ್ತಿದ್ದಾರೆ. ಇದೀಗ ಬರಹಗಾರನಾಗಿರುವ ಅವರು, ತಮ್ಮ ಕಲ್ಪನೆ, ಯೋಚನೆಗಳನ್ನು ಬರಹ ರೂಪಕ್ಕಿಳಿಸುವ ತಯಾರಿ ನಡೆಸಿದ್ದಾರಂತೆ. ವೆಬ್​ ಸೀರೀಸ್ ಹಾಗೂ ಸಿನಿಮಾ ಆಗುವ ಸಾಮರ್ಥ್ಯವಿರುವ ಕತೆಯ ತಯಾರಿಯಲ್ಲಿ ಅವರು ನಿರತರಾಗಿದ್ದಾರೆ ಎಂದು ವರದಿಯಾಗಿದೆ. ಆರ್ಯನ್ ಖಾನ್ ಯೋಚನೆಗಳೆಲ್ಲವೂ ಇನ್ನೂ ಬರವಣಿಗೆಯ ಹಂತದಲ್ಲಿದ್ದಾಗಲೇ ದೊಡ್ಡ ವೇದಿಕೆಯಲ್ಲಿ ತೆರೆ ಕಾಣುವ ನಿರೀಕ್ಷೆಯನ್ನೂ ಹುಟ್ಟುಹಾಕಿವೆ. ಒಟಿಟಿ ದೈತ್ಯ ಅಮೆಜಾನ್ ಪ್ರೈಮ್​ನಲ್ಲಿ ವೆಬ್ ಸೀರೀಸ್ ಹಾಗೂ ಶಾರುಖ್ ಒಡೆತನದ ‘ರೆಡ್ ಚಿಲ್ಲೀಸ್ ಎಂಟರ್​ಟೈನ್​ಮೆಂಟ್’ ಬ್ಯಾನರ್​ನಲ್ಲಿ ಸಿನಿಮಾ ಸೆಟ್ಟೇರಲಿದೆ ಎನ್ನಲಾಗಿದೆ. ಪ್ರೈಮ್​ನಲ್ಲಿ ಸೆಟ್ಟೇರಲಿರುವ ಸೀರೀಸ್​ನಲ್ಲಿ ಒಬ್ಬ ಅಭಿಮಾನಿಯ ಜೀವನದ ಕುರಿತು ಕತೆ ಇರಲಿದೆ ಎನ್ನಲಾಗಿದೆ. ಸಿನಿಮಾದ ಕತೆಯ ಕುರಿತು ಹೆಚ್ಚಿನ ಮಾಹಿತಿ ಲಭ್ಯವಾಗಿಲ್ಲ.

Leave a Reply

Your email address will not be published.