Video.. ಮೊಸಳೆ ಜೊತೆ ಚೆಲ್ಲಾಟ ಆಡಲು ಹೋಗಿ ಈ ಯುವಕನ ಸ್ಥಿತಿ ಏನಾಯ್ತು ನೀವೇ ನೋಡಿ..!

ಅಂತರಾಷ್ಟ್ರೀಯ

ಮೊಸಳೆ ಹಾಗೂ ಹಾವುಗಳು ಮನುಷ್ಯರ ಜೀವಕ್ಕೆ ಅಪಾಯ ಉಂಟು ಮಾಡಬಲ್ಲ ಸರೀಸೃಪಗಳು. ಹಾವು ಮೊಸಳೆ ಕಂಡ ಕೂಡಲೇ ಜನ ಹೆದರಿ ಹೌಹಾರಿ ಸ್ಥಳದಿಂದ ಕಾಲ್ಕಿಳೋದೆ ಹೆಚ್ಚು. ಆದರೆ ಇಲ್ಲೊಬ್ಬ ಅಪಾಯಕಾರಿ ಮೊಸಳೆಗೆ ಧೈರ್ಯವಾಗಿ ಆಹಾರ ತಿನ್ನಿಸುತ್ತಿದ್ದಾನೆ. ಆ ಮಕ್ಕಳಂತೆ ತನ್ನೆರಡು ಕಾಲುಗಳ ಮಧ್ಯೆ ಮೊಸಳೆಯನ್ನು ಇರಿಸಿಕೊಂಡು ಆಹಾರ ನೀಡುವುದು ನೋಡಿದರೆ ನೀವು ಒಂದು ಕ್ಷಣ ದಂಗಾಗುವುದು ಸಹಜ. ಆದರೆ ಈ ಅಸಾಮಿಗೆ ಯಾವ ಭಯವೂ ಇಲ್ಲ. ಕೆರೆಯಂತೆ ಕಾಣುವ ಪ್ರದೇಶವೊಂದರಲ್ಲಿ ಬೋಟೊಂದರಲ್ಲಿ ಕುಳಿತಂತೆ ಕಾಣುವ ಇತ್ತ ಮೊಸಳೆಯನ್ನು ತನ್ನ ಕಾಲುಗಳ ಮಧ್ಯೆ ನಿಲ್ಲಿಸಿಕೊಂಡು ಸ್ವಲ್ಪ ಹೊತ್ತು ಅದರೊಂದಿಗೆ ಆಟವಾಡುತ್ತಾ ಅದಕ್ಕೆ ಮಾಂಸದ ತುಣುಕುಗಳನ್ನು ನೀಡುತ್ತಾನೆ.

 

ಮೊಸಳೆಯೂ ಕೂಡ ಈತನನ್ನು ಬಹುಕಾಲದ ಗೆಳೆಯನಂತೆ ನೋಡುತ್ತಿದ್ದು, ಯಾವುದೇ ಭಯ ಆತಂಕವಿಲ್ಲದೇ ಈತನ ಬಳಿ ಬಂದು ಈತನ ಕಾಲುಗಳ ಮಧ್ಯೆ ನುಸುಳಿ ಬಂದು ಆತ ನೀಡುವ ಆಹಾರವನ್ನು ಸೇವಿಸಿ ಮತ್ತೆ ನೀರಿನೊಳಗೆ ಸೇರಿಕೊಳ್ಳುತ್ತದೆ. ಈ ಮನುಷ್ಯ ಹಾಗೂ ಮೊಸಳೆಯ ಈ ಅನುಬಂಧಕ್ಕೆ ಇಂಟರ್‌ನೆಟ್‌ ವಿಚಿತ್ರ ವಿಭಿನ್ನವಾಗಿ ಪ್ರತಿಕ್ರಿಯಿಸಿದೆ. ಈ ವಿಡಿಯೋವನ್ನು ಟ್ವಿಟ್ಟರ್‌ನಲ್ಲಿ ಪಿಜೆನ್‌ ಎಂಬ ಖಾತೆಯಿಂದ ಅಪ್‌ಲೋಡ್ ಮಾಡಲಾಗಿದ್ದು, 4.3 ಮಿಲಿಯನ್‌ಗೂ ಹೆಚ್ಚು ಜನ ಈ ವಿಡಿಯೋವನ್ನು ವೀಕ್ಷಿಸಿದ್ದಾರೆ. 4800ಕ್ಕೂ ಹೆಚ್ಚು ಜನ ಈ ವಿಡಿಯೋವನ್ನು ರಿಟ್ವಿಟ್ ಮಾಡಿದ್ದಾರೆ. ಅನೇಕರು ಮೆಚ್ಚುಗೆ ವ್ಯಕ್ತಪಡಿಸಿದ್ದು, ನೂರಾರು ಜನ ಕಾಮೆಂಟ್ ಮಾಡಿದ್ದಾರೆ.

Leave a Reply

Your email address will not be published.