Home Home ಆಧುನಿಕ ಹರಿಶ್ಚಂದ್ರ!; ಜೀವದ ಹಂಗು ತೊರೆದು ಪ್ರತಿ ನಿತ್ಯ 10ಕ್ಕೂ ಹೆಚ್ಚು ಶವ ಸಂಸ್ಕಾರ!

ಆಧುನಿಕ ಹರಿಶ್ಚಂದ್ರ!; ಜೀವದ ಹಂಗು ತೊರೆದು ಪ್ರತಿ ನಿತ್ಯ 10ಕ್ಕೂ ಹೆಚ್ಚು ಶವ ಸಂಸ್ಕಾರ!

modren harichandra | ಆಧುನಿಕ ಹರಿಶ್ಚಂದ್ರ!; ಜೀವದ ಹಂಗು ತೊರೆದು ಪ್ರತಿ ನಿತ್ಯ 10ಕ್ಕೂ ಹೆಚ್ಚು ಶವ ಸಂಸ್ಕಾರ!

258
0
SHARE

ವಿಜಯಪುರ; ಪ್ರಸ್ತುತ ಸಂದರ್ಭದಲ್ಲಿ ಕೋವಿಡ್ ನಿಂದ ಸಾವನಪ್ಪಿದರೆ ಕುಟುಂಬದವರೇ ದೂರ ನಿಲ್ಲುವ ಕಾಲವಿದೆ. ಆದರೆ ಇದಕ್ಕೆ ವ್ಯತಿರಿಕ್ತ ಅಗಿದ್ದಾರೆ ವಿಜಯಪುರದ ದೇವಗಿರಿ ಹಿಂದೂ ರುದ್ರಭೂಮಿಯಲ್ಲಿ ಕೆಲಸ ಮಾಡುವ ಶಂಕರ ಕಾಳೆ ಹಾಗೂ ಅವರ ಪತ್ನಿ ಶಾಂತಾ ಕಾಳೆ. ಈ ದಂಪತಿಗಳಿಬ್ಬರು, ವಿಜಯಪುರ ನಗರದ ದೇವಗಿರಿ ಸ್ಮಶಾನದಲ್ಲಿ ಪ್ರತಿ ನಿತ್ಯ 10 ಕ್ಕೂ ಅಧಿಕ ಮೃತದೇಹಗಳ ದಹನ ಕಾರ್ಯ ಮಾಡುತ್ತಿದ್ದಾರೆ. ಮೂಲತಃ ಗದಗ ಜಿಲ್ಲೆಯವರಾದ ಶಂಕರ ಕಾಳೆ ಅಂತರಜಾತಿ ವಿವಾಹವಾದ ಬಳಿಕ, ಕೌಟುಂಬಿಕ ಕಲಹ ಉಂಟಾಗಿ ಊರೂರು ಅಲೆದು ಕೊನೆಗೆ ಕಳೆದ ನಾಲ್ಕು ವರ್ಷಗಳ ಹಿಂದೆ ವಿಜಯಪುರ ನಗರದ ದೇವಗಿರಿ ಸ್ಮಶಾನದಲ್ಲಿ ಶವ ಸಂಸ್ಕಾರ‌ ಕೆಲಸಕ್ಕೆ ಬಂದಿದ್ದಾರೆ. ಅಲ್ಲಿಂದ ಇದೇ ಕಾಯಕ ಮುಂದುವರೆಸಿಕೊಂಡು ಬಂದಿದ್ದಾರೆ‌.

ಶಂಕರ ಕಾಳೆ ಅವರ ತಂದೆಯೂ ಗದಗ ಪಟ್ಟಣದಲ್ಲಿ ಶವ ಸಂಸ್ಕಾರ ಕೆಲಸ ಮಾಡುತ್ತಿದ್ದರು. ಈವರಿಗೂ ಸಹಿತ ಚಿಕ್ಕಂದಿನಿಂದಲೇ ತಂದೆಯೊಟ್ಟಿಗೆ ಹೋಗಿ‌ ಶವ ಸಂಸ್ಕಾರ ಮಾಡುವ ಅಭ್ಯಾಸ ಮುಂದುವರೆದಿದೆ. ಬಳಿಕ ಗದಗ ನಗರ ಸಭೆಯಲ್ಲಿ ಪೌರ ಕಾರ್ಮಿಕ ಕೆಲಸ ಸಿಕ್ಕಿತ್ತು, ಪ್ರೇಮ ವಿವಾಹವಾದ ಬಳಿಕ ಮನೆಯಲ್ಲಿ ಸಮಸ್ಯೆಯಾಗಿ ಉದ್ಯೋಗ ಬಿಟ್ಟು ಊರೂರು ಅಲೆದು ಕೊನೆಗೆ ವಿಜಯಪುರಕ್ಕೆ ಬಂದು ದೇವಗಿರಿ ಸ್ಮಶಾನದಲ್ಲಿ ಗಂಡ ಹೆಂಡತಿ ಇಬ್ಬರು ಒಟ್ಟಿಗೆ ಕೂಡಿ ಶವ ಸಂಸ್ಕಾರ ಮಾಡುವ ಕಾಯಕದಲ್ಲಿ ತೊಡಗಿಕೊಂಡಿದ್ದಾರೆ. ದೇವಗಿರಿ ಸ್ಮಶಾನ ಕಮಿಟಿಯವರು ಈವರಿಗೆ ತಿಂಗಳಿಗೆ 9 ಸಾವಿರ ಸಂಬಳ ನೀಡುತ್ತಿದ್ದಾರೆ. ಅಲ್ಲದೆ ಶಂಕರ ಕಾಳೆ ಅವರ ಪುತ್ರಿ ಖುಷಿ ಯ ಶಿಕ್ಷಣ ಜವಾಬ್ದಾರಿಯನ್ನು ಸ್ಮಶಾನದ ಕಮಿಟಿ ನೋಡಿಕೊಳ್ಳುತ್ತಿದ್ದಾರೆ.

ಇನ್ನೂ ಸ್ಮಶಾನದ ಕಂಪೌಂಡ್ ಒಳಗಡೆಯೇ ಇವರ ಮನೆ ಇರುವದರಿಂದ ಕೋವಿಡ್ ಈ ಸಂದರ್ಭದಲ್ಲಿ ನಿತ್ಯ ಹತ್ತಾರು ಹೆಣಗಳು ಸುಡುವದು ಸಾಮಾನ್ಯವಾಗಿ ಬಿಟ್ಟಿದೆ. ರಾತ್ರಿ ಒಂದು ಎರಡು ಗಂಟೆಗೆ ಸಹಿತ ಆಸ್ಪತ್ರೆಯಿಂದ ಹೆಣಗಳನ್ನು ತರುತ್ತಿದ್ದು ಆ ಸಮಯದಲ್ಲಿ ಎದ್ದು ಈತ ಶವ ಸಂಸ್ಕಾರ ಮಾಡುತ್ತಿದ್ದಾರೆ. ಆದರೆ ಜಿಲ್ಲಾಡಳಿತ ಹಾಗೂ ಸಂಬಂಧಪಟ್ಟವರು ಇವರಿಗೆ ಕಿಟ್, ಮಾಸ್ಕ್, ಸ್ಯಾನಿಟೈಜರ್ ವ್ಯವಸ್ಥೆ ಮಾಡಬೇಕಿದೆ. ಇನ್ನು ಈತನಿಗೆ ಹೆಗಲಾಗಿ ನಿಂತಿದ್ದು ಪತ್ನ ಶಾಂತಾ, ಗಂಡನೊಟ್ಟಿಗೆ ಸೇರಿ ಇವಳು ಸಹಿತ ಶವ ಸಂಸ್ಕಾರಕ್ಕೆ ಸಹಾಯ ಮಾಡುತ್ತಾರೆ. ಪ್ರಸ್ತುತ ಸಂದರ್ಭದಲ್ಲಿ ಕುಟುಂಬದವರೇ ತಮ್ಮವರ ಶವ ಮುಟ್ಟಲು ಹಿಂದೇಟು ಹಾಕುವ ಈ ಸಮಯದಲ್ಲಿ ಯಾವುದೇ ಪಿಪಿಇ ಕಿಟ್ ಸೇರಿದಂತೆ ಸುರಕ್ಷತಾ ಸಾಧನಗಳಿಲ್ಲದೇ ಜೀವದ ಹಂಗು ತೊರೆದು ಶವ ಸಂಸ್ಕಾರ ಮಾಡುತ್ತಿದ್ದಾರೆ ಶಂಕರ ಕಾಳೆ ದಂಪತಿಗಳು.

LEAVE A REPLY

Please enter your comment!
Please enter your name here